|
موجودہ حکمرانوں نے عوام کو ذہنی اذیت کے سوا کچھ نہیں دیا، نئے الیکشن کیلئے پروپیگنڈے عروج پر ہیں جبکہ پاکستانی عوام مہنگائی، بیروزگاری، غربت، کرپشن اور لاقانونیت کی چکی میں پستے جا رہے ہیں۔ چیف جسٹس آف پاکستان جسٹس افتخار محمد چوہدری از خود نوٹس لیتے ہوئے الیکشن سے پہلے تمام سیاسی لیڈروں کے احتساب کے عمل کو ممکن بنائیں۔ ان خیالات کا اظہار تنظیم مشائخ عظام پاکستان کے امیر صوفی مسعود احمد صدیقی لاثانی سرکار صاحب نے میڈیا سے ایک انٹرویو میں کیا۔ انہوں نے کہا کہ لوٹ مار کرنے کے بعد قومی لوٹیرے پارٹی بدلنے کو ترجیح دیتے ہیں۔ انہوں نے کہا کہ انصاف کا حصول نا ممکن ہو چکا ہے، اثرورسوخ والے غریب کی ایف آئی آر تک درج نہیں ہونے دی جاتی۔ انہوں نے کہا کہ ہم نے "کرپشن مکاؤ ملک بچاؤ" ملک گیر احتجاجی تحریک چلانے کا اعلان کر دیا ہے، تنظیم احتجاجی ریلیاں نکالی جائیں گئیں۔ اس تحریک کا آغاز 18دسمبر 2011کو لاہور سے نکالی جانیوالی ریلی سے کیا جائیگا۔
|
